Mańǵystaý «Qaraótkel-2012» kórmesinde mal ósirýshilerdiń mobıldi jáne statsıonarly úıleriniń tusaýyn kesedi
AQTAÝ. 17 shilde. QazAqparat - Mańǵystaý 20-21 shilde aralyǵynda Astanada agroónerkásip keshenindegi jetistikterge arnap ótkiziletin "Qaraótkel-2012" kórmesinde ózderiniń eń úzdik jobalaryn tanystyratyn bolady.
Qoǵamnyń nazaryna mal ósirýshilerdiń mobıldi jáne statsıonarly úıleriniń úlgileri usynylady.
Mobıldi degenimiz - tóbede ornalastyrylǵan jel tıirmen jáne kún paneli bar qozǵalatyn vagondar. Olarda kúndelikti turmysqa qajettiniń barlyǵy -jýyný bólmesi, monsha, qoıma, jatyn oryndar, asúı bar. Kún men jel olardy jylýmen jáne elektr kózimen qamtamsyz etedi. Vagondardy kólikke nemese traktorǵa tirkep qoıýǵa bolady.
Kórme-jármeńkede tanystyrylatyn maketter daıyn. Mundaı vagondar mal ósirýshilerdiń óz erikteri boıynsha kóship-qonýyna múmkindik bergendikten mal sharýashylyǵyn damytý úshin eń úzdik mobıldi nusqa bolyp tanyldy.
