Mańǵystaý: Qaraqııa aýdanynda kópbalaly 30 otbasyǵa páter beriledi

AQTAÝ. QazAqparat - El Táýelsizdiginiń 30 jyldyǵy aıasynda Qaraqııa aýdanynda kópbalaly, áleýmettik turǵyda az qamtylǵan 30 otbasyǵa bıýdjet qarajaty esebinen 30 páter satyp alynady, dep habarlaıdy QazAqpara tilshisi.

Bul týraly Mańǵystaý oblysynyń Qoǵamdyq kommýnıkatsııa ortalyǵynda ótken brıfıngide Qaraqııa aýdanynyń ákimi Qydyrberdi Bekov málim etti.

Onyń aıtýynsha, «Nurly jer» baǵdarlamasy aıasynda birinshi kezekte áleýmettik jaǵynan az qamtylǵan otbasylarǵa baspana berý josparlanyp otyr.

Sonymen qatar, «Nurly jer» baǵdarlamasy aıasynda jańadan salynǵan Jetibaı aýylyndaǵy 72 páterli, 3 qabatty 2 turǵyn úıdiń qurylys jumystary aıaqtalyp, qazirgi ýaqytta ınjenerlik-ınfraqurylymdyq jelilerdi tartý jumystary júrgizilýde. Atalǵan jumystar aıaqtala salysymen, turǵyn úı kezegindegi muqtaj azamattarǵa beremiz. Onyń ishinde 30%-y jetim jáne ata-anasynyń qamqorlyǵynsyz qalǵan balalarǵa, al qalǵan 70%-y áleýmettik az qamtylǵan azamattar men kóp balaly analarǵa úlestiriledi», - dedi Qydyrberdi Bekov.