Mańǵystaý dárigerleri ókpesiniń 70 paıyzy zaqymdanǵan júkti áıeldi aman alyp qaldy
Aqtaý qalasynyń turǵyny Baqtygúl Kabýldınany perınataldyq ortalyqqa jedel járdem brıgadasy jetkizdi.
Ananyń ókpesi zaqymdalǵandyqtan, qursaqtaǵy bala jetkilikti ottegi almady.
Júkti áıel qandaı jaǵdaıda koronavırýs ınfektsııasyn juqtyrýy múmkin ekenin aıta almady.
«Bastapqyda aýrýmen ózim kúrestim. Biraq keıinirek óz betimshe emdelý qatelik ekenin túsindim. Qorqynyshty boldy. Entigý kúsheıip, júrek toqtap qalatyndaı sezim boldy. Endi jaqyndarymdy kórmeımin dep oıladym. Men jáne balam dárigerlerdiń arqasynda aman qaldyq. Perınataldy ortalyqtyń medıtsına qyzmetkerlerine alǵysym sheksiz», - deıdi áıel.
Aıta ketý kerek, bul - Baqytgúl Kabýldınanyń otbasyndaǵy besinshi bala. Qazir áıel ózin jaqsy sezinedi.
Oǵan jáne balanyń ómirine qaýip tóndip turǵan joq. Birneshe kúnnen keıin olar perınataldy ortalyqtan shyǵarylady.
Oblystyq perınataldy ortalyq bazasyndaǵy ınfektsııa bólimshesinde 40 áıel em alyp jatyr. Onyń 5-eýi aýyr halde.
Olar jansaqtaý bólimine aýystyrylyp, ÓJJ apparatyna qosylǵan.
Dárigerler júktilik respıratorlyq vırýstyq ınfektsııa áserinen aýyr aýrýlardyń qaýpin arttyratynyn eske salady.
Sondyqtan júkti áıelderge koronavırýsty juqtyrý múmkindigin azaıtý úshin qatań oqshaýlaý rejımi usynylady.
Sonymen qatar, koronavırýs ınfektsııasymen aýyratyn áıelder júktilikti josparlamas buryn tekserýden ótýi kerek.
Ásirese saýyqqannan keıin eki aıdan keıin entigý ketpeıtin áıelder tekserýden ótkeni durys. Óıtkeni, júktilik kezinde ol tek kúsheıedi.
