Mańǵystaý: Beıneý aýdanynda shańdy daýyl turdy

AQTAÝ. QazAqparan - Mańǵystaýdaǵy Beıneý aýdanynda shańdy daýyl turdy, dep habarlaıdy QazAqparat tilshisi Mańǵystaý oblysynyń qoǵamdyq kommýnıkatsııa ortalyǵyna silteme jasap.

Beıneý aýdany boıynsha aýa raıynyń kúrt nasharlap, shańdy daýyl bolýyna baılanysty tústen keıingi aýysymda oqıtyn 8451 mektep oqýshy onlaın formatqa aýystyryldy.

«Qurmetti oblys turǵyndary men qonaqtary! Aýa raıynyń qolaısyzdyǵyna baılanysty aýdan aýmaǵynan ótetin respýblıkalyq mańyzdaǵy avtojoldarda aýdandyq polıtsııa bóliminiń ekıpajdary kúsheıtilgen jumys rejımine kiristi», - delingen habarlamada.