Mańǵystaý, Batys Qazaqstan jáne Atyraý oblystarynda kún ystyq bolady - 13 maýsymǵa arnalǵan aýa raıy boljamy
ASTANA. 12 maýsym. QazAqparat - Qazaqstannyń kóptegen aýmaǵynda atmosferalyq frontaldyq aǵymdardyń ótýimen aýa raıynyń turaqsyz sıpaty saqtalady, jaýyn-shashyn ótip, keıbir jerlerde naızaǵaı jarqyldaıdy,
burshaq túsýi múmkin, jel kúsheıedi. Respýblıkanyń tek batysynda ǵana jaýyn-shashynsyz aýa raıy saqtalady. Bul týraly Qazgıdrometke silteme jasaǵan TJM-niń baspasóz qyzmetinen habarlaıdy.
Qostanaı, Aqmola, Qaraǵandy, Soltústik Qazaqstan, Pavlodar, Shyǵys Qazaqstan, Almaty, Jambyl, Ońtústik Qazaqstan oblystarynda keıbir jerlerde jel 15-20 m/s deıin kúsheıedi. Almaty jáne Qaraǵandy oblystarynda burshaq túsýi múmkin. Qyzylorda oblysynda keıbir jerlerde jeldiń kúshi 17-22 m/s deıin jetedi, shańdy daýyl bolýy yqtımal. Soltústik Qazaqstan oblysynda túnde jáne tańerteń keıbir jerlerde, Mańǵystaý oblysynyń jaǵalaýynda tuman bolady.
Qyzylorda oblysynda, Shyǵys Qazaqstan, Batys Qazaqstan, Aqtóbe, Mańǵystaý, Almaty, Qaraǵandy jáne Qostanaı oblystarynyń ońtústiginde tótenshe joǵary órt qaýiptiligi saqtalady.
Mańǵystaý, Batys Qazaqstan jáne Atyraý oblystarynda kún qatty ystyq bolady.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy taý ózenderinde sý deńgeıleriniń aýytqýy kútilýde.
