Mańǵystaý aýyl sharýashylyǵyn damytýda birinshi orynǵa shyqty
ASTANA. QazAqparat - Mańǵystaý óńiriniń aýyl sharýashylyǵyn damytýǵa úlken múmkindigi bar. Bul týraly búgin Ortalyq kommýnıkatsııalar qyzmetindegi baspasóz máslıhatynda Mańǵystaý oblysynyń ákimi Eraly Toǵjanov aıtty, dep habarlaıdy QazAqparat.
Maǵan bir aǵalarym: «Mańǵystaýda aýyl sharýashylyǵyna basyńyzdy qatyrmańyz», degen edi. Mańǵystaýdyń aýyl sharýashylyǵyn damytýǵa úlken múmkindigi bar. 1907 jylǵy muraǵat materıaldaryn qaradyq. Sol jerde 70 myń óńir turǵyny 1 mln 658 myń bas mal ustaǵan. Búgin 650 myń adam tursa, mal basy 500 myń ǵana. Búginde múmkindik bar», - dedi óńir basshysy.
Onyń aıtýynsha, óńirdiń aýyl sharýashylyǵy salasy 9 aıdyń ishinde respýblıka boıynsha 16 orynnan birinshi orynǵan kóterilgen.
«Endi ashyǵyn aıtqanda kólemi jaǵynan emes. Damý qarqyny jaǵynan alǵa shyqty. Et, bıdaı óńdeýdi jolǵa qoıdyq», - dedi Erlan Toǵjanov.
Aıta keteıik, shara barysynda Eraly Toǵjanov qazaq, orys, aǵylshyn, qytaı tilinde 1000 danamen jaryq kórgen «Mańǵystaý ańyzdary» atty kitapty tanystyrdy.
Sonymen qatar ol 2025 jyly árbir mańǵystaýlyqty 30 sharshy metr baspanamen qamtamasyz etýge ýáde berdi.
