Mańǵystaý aýdandyq sotynyń tóraǵasy jol apatynan qaza tapty
ASTANA. QazAqparat - Jol- kólik oqıǵasy 19 qazan kúni boldy. Mańǵystaý aýdandyq sotynyń tóraǵasy, 42 jastaǵy Jasulan Sálıev jol apatynan qaza tapty, dep habarlaıdy lada.kz.
Basylym málimetinshe, Jasulan Sálıev Suzuki avtokóligin basqaryp, Shetpeden Qyzan aýylyna ketip bara jatqan. Júrgizýshi kólik rýline ıe bola almaı joldyń jıegine shyǵyp ketip, aýdarylǵan.
Jasulan Sálıev oqıǵa ornynda kóz jumdy.
Sálıev Jasulan Erkinbekuly 2002-2007 jyldary maman, Beıneý aýdandyq sotynda sot otyrysynyń hatshysy jáne Aqtaý qalasyndaǵy mamandandyrylǵan ákimshilik sotynda qyzmet atqardy. 2007-2012 jyldary - Jańaózen qalalyq sotynyń sýdıasy. 2012 jyldyń tamyz aıynan bastap Mańǵystaý aýdandyq sotynyń tóraǵasy qyzmetin atqaryp keldi.
