Mańǵystaý atom energetıkalyq kombınatyndaǵy JES-te energoblok jóndeldi

AQTAÝ. QazAqparat – Mańǵystaý atom energetıkalyq kombınatynyń Jylý elektr stantsııasyndaǵy №1 energoblokty jóndeý jumystary aıaqtalyp, saǵat 5.51-de iske qosyldy. Bul týraly QazAqparat seriktestiktiń baspasóz qyzmetine silteme jasap habarlaıdy.

Jóndeý jumystary 4 shildede, energoblok qazandyǵy biraz ýaqyt sýytylyp turǵan soń, saǵat 21:50-de bastalǵan. Jumys táýlik boıy MAEK qyzmetkerleriniń kúshimen júrgizildi.

Mamandardyń ýaqytynda jedel is-qımyl jasaýynyń arqasynda energoblok jabdyqtaryna eleýli zaqym keltirilmedi. Sonyń nátıjesinde, oblys ortalyǵy men óńirdegi eldi mekenderdiń turmystyq tutynýshylaryn elektrmen jabdyqtaý boıynsha shekteýler bolǵan joq.

Esterińizge sala keteıik, 3 shilde saǵat 17:31-de qazandyqqa berilip turǵan tok deńgeıiniń kúrt ósýine baılanysty «MAEK» JShS JES №1 energoblogy májbúrli túrde toqtatyldy.

Jóndeý jumystary arnaıy jasaqtalǵan keste boıynsha júrgizilip, josparlanǵan merziminen buryn aıaqtaldy.

Kombınatta bolǵan jaǵdaıdyń sebebin anyqtaý úshin qurylǵan oblystyq komıssııa músheleri keshenge bardy.
Sondaı-aq, Premer-Mınıstr Álıhan Smaıylov Aqtaýda bolyp, MAEK-tegi jóndeý-qalpyna keltirý jumystarynyń barysyn tekserdi.