Mańǵystaý atom elektr kombınatyn jóndeýge qosymsha 1,8 mlrd teńge bólinedi

ASTANA. QazAqparat – Mańǵystaý atom elektr kombınatyn jóndeýge jospardaǵy 3,1 mlrd teńgeniń ústine qosymsha 1,8 mlrd teńge bólinedi. Bul týraly Úkimet otyrysynan keıin Energetıka mınıstri Almasadam Sátqalıev aıtty, dep habarlaıdy QazAqparat tilshisi.

«Mańǵystaý atom energetıka kombınaty kommýnaldyq menshikke berilgenin bilesizder. ıAǵnı, nysannyń ornyqty jumysy boıynsha jol kartasy anyqtalyp qoıǵan. Bul atom elektr stansasy emes, gazben jumys isteıdi. Osy jol kartasyn iske asyrý úshin jóndeý jospary qurylǵan», - dedi Almasadam Sátqalıev.

Aıtýynsha, Úkimet atalmysh jol kartasy aıasynda nysandy jóndeý jumystaryna 3,1 mlrd teńge bólý týraly sheshim qabyldap qoıǵan.

«Osy apat jóninde óńir ákimimen sóılestik. Qondyrǵylarǵa dál qazir tapsyrys berý úshin ákim qosymsha 3,1 mlrd teńge qarajat surady. Sonda qorytyndy soma 4,9 mlrd teńge bolady. Premer-Mınıstrdiń sheshimi, Energetıka mınıstrliginiń tıisti qorytyndysy bar. Bul aqsha jaqyn kúnderi bólinedi. ıAǵnı, apat saldaryn joıý jumystary júrip jatyr», - dedi mınıstr.

Eske salaıyq, keshe keshke Atyraýda birneshe shaǵynaýdanda jaryq sónip qalǵan bolatyn.

Artynsha jergilikti energetıkalyq keshenniń baspasóz qyzmeti elektr qýatynyń óshý sebebin aıtty.

Saǵat 21.30-da Atyraý oblysy ákimdigi jaryqtyń janǵanyn habarlady.

Prezıdent Qasym-Jomart Toqaev Atyraý munaı óńdeý zaýyty men Mańǵystaý atom energetıka kombınatynda týyndaǵan jaǵdaı boıynsha memlekettik komıssııa qurýdy tapsyrdy.