Mańǵystaý ákimi Aqtaýdaǵy birqatar qurylys nysandarymen tanysty
ASTANA. QazAqparat - Mańǵystaý oblysynyń ákimi Eraly Toǵjanov Aqtaýdaǵy birqatar nysandardy aralady, dep habarlady búginlada.kz.
Oblys ákimi 3 shaǵyn aýdandaǵy jańa salynyp jatqan turǵyn úıdiń qurylysymen tanysty.
2006-2013 jyldar aralyǵynda ınvestor munda 64 páterli 4 apatty jaǵdaıdaǵy úıdi súrip tastap, ornyna 240 páterli 4 úı salǵan.
2014 jyly ákimdik apatty jaǵdaıda turǵan úılerdi súrý jóninde 2014-2019 jyldardy qamtıtyn baǵdarlama qabyldap, «Qurylys Stroı Servıs» JShS-men kelisim jasaǵan. Ondaǵy maqsat apatty úılerdi súrip, ornyna jańa úı salyp, apatty úıdiń turǵyndaryn sonda ornalastyrý. Muny ınvestor júzege asyrýy tıis. Qala ákimdigi bolsa, úıdiń ınfraqurylymymen baılanysty másellerdi retteıdi.
Baǵdarlama úsh kezeńnen turady. Birinshi jáne ekinshi kezeńder aıaqtalǵan. Úshinshi kezeńdi 2018 jyldyń ekinshi toqsany men 2019 jyldyń 4-shi toqsany aralyǵynda bitirý josparlanǵan. Josparǵa saı 3 aptty jaǵdaıdaǵy údiń ornyna jańa eki úı salynady jáne osy úılerge apatty jaǵdaıdaǵy turǵyn úıdiń turǵyndary ornalasady.
Oblys ákimi Eraly Toǵjanov atalmysh baǵdarlamany odan ári jalǵastyrýdy tapsyrdy.
«Ákimdik tarapynan ınfraqurylymdy retteý jumystary júzege asyrylatyn bolady»,-dedi ákim.
Sonymen qatar Eraly Toǵjanov 3 shaǵyn aýdandaǵy turǵyn úılerge taldaý jasap, «Aqtaýdaǵy apatty úılerdi súrý» baǵdarlamasy boıynsha ınvestorlardy tartý baǵytyndaǵy jumystardy jalǵastyrýdy tapsyrdy.
