Mańǵystaýlyqtar ushaq apatynan zardap shekken 9 reseılik azamatty Máskeýge shyǵaryp saldy
AQTAÝ. KAZINFORM — Kúni keshe Aqtaýǵa Reseıden ushaq apatynan zardap shekkenderge kómektesý úshin medıtsına qyzmetkerler mingen bort ushyp kelgen bolatyn. Búgin olar túrli deńgeıdegi jaraqat alǵan 9 otandasymen birge elderine qaıtty.
Mańǵystaý oblysy ákimdiginiń málimetinshe, reseılik delegatsııany Aqtaý qalasynyń ákimi Ábilqaıyr Baıpaqov bastaǵan Qazaqstan halqy Assambleıasynyń músheleri, el aqsaqaldary men jastar aq tilekterin aıtyp, shyǵaryp saldy.
Aıta keteıik, jaraqat alǵandardyń barlyǵyna Aqtaýdaǵy aýrýhanalarda qajetti medıtsınalyq kómek kórsetilip jatyr. Sondaı-aq Aqtaýda Vıtse-premer Q.Bozymbaev bastaǵan Úkimettik komıssııa jumys istep jatyr.
Mańǵystaý oblysynyń ákimi N.Qılybaı qaza tapqandar men zardap shekkenderdiń otbasylaryna memleket tarapynan tıisti qoldaý kórsetilenin aıtty.
Eske salsaq, Ázerbaıjan elordasy Bakýden Reseıdiń Groznyı qalasyna baǵyt alǵan Azerbaijan Airlines ushaǵy Qazaqstan aýmaǵynda apatqa ushyrady.
Aqtaýdaǵy ushaq apatynyń hronologııasy jarııalandy.
Aqtaýdaǵy áýe apatynan mert bolǵan qazaqstandyqtar anyqtaldy.
Keıinnen ushaq apatynan qaza tapqan qazaqstandyqtardyń otbasylaryna qarjylaı kómek kórsetiletini aıtyldy.