Mańǵystaýlyqtar kólik salyǵyn tólemeı otyr
AQTAÝ. KAZINFORM – Aımaqta 79 myńnan astam avtokólik ıesiniń 2,5 mıllıard teńgeden astam salyqqa bereshegi bar. Olardyń barlyǵyna da tóleý qajettigi týraly habarlama jiberilgen. Nátıjesinde bıýdjetke tek 500 mıllıon teńgeniń shamasynda qarajat tústi.
Aqtaý qalalyq Memlekettik kirister basqarmasy basshysynyń orynbasary Asqar Oralbaevtyń aıtýynsha, kólik salyǵy 2025 jyldyń 1 sáýirine deıin tólenýi tıis.
- Aqtaý qalalyq Memlekettik kirister basqarmasy 2024 jylǵa kólik quraldarynyń salyǵyn eseptep shyqty. Soǵan sáıkes, turǵyndarǵa mobıldi banktik qosymshalarǵa ótken jyldyń kólik salyǵy týraly habarlamalar jiberildi. Bul salyqty 1 sáýirge deıin tóleýleri qajet.
Tólenbese kidiristiń ár kúni úshin ósimpul esepteledi. Sonymen qatar, salyq tólenbegen jaǵdaıda tıisti habarlama salyq tóleýshige jiberiledi. Eger habarlama oryndalmasa, salyq buıryǵy shyǵarylady, sodan keıin ony májbúrlep óndirip alý úshin jeke sot oryndaýshylarǵa jiberiledi, - deıdi Asqar Oralbaev.
Buǵan deıin, Aqtaýlyq dárigerler zeınetkerdiń moınynan 1 kelideı isik alǵany týraly jazǵan bolatynbyz.