Mańǵystaýlyq jumysshylar Prezıdentke úndeýinde ne aıtty
ASTANA. KAZINFORM — Mańǵystaý óńirinen bir top jumysshy Memleket basshysynyń atyna úndeý joldady.
«Biz, „Otyn-energetıka kesheni“ (OEK) qyzmetkerleriniń salalyq kásipodaǵynyń músheleri, Prezıdent ákimshiligimen birlesip, burynnan kele jatqan kúrdeli máselelerdi jáne aldymyzǵa qoıylǵan mindetterdi birtindep sheship kelemiz. Biz, munaıshylar, bizge jasaǵan jáne jasalyp jatqan barlyq jaqsylyqtaryńyzǵa alǵys aıtamyz. Alaıda zulym kúshter bizdi bir-birimizge qarsy qoıýǵa áreket jasap, birlesip atqarǵan úlken sharýalarymyzdy joqqa shyǵarýǵa jáne bolashaqta jasalýǵa tıis jumystarymyzǵa kedergi keltirýge tyrysyp jatyr. Olar oǵan qol jetkize almaıdy, óıtkeni biz sizden jáne Prezıdent ákimshiligimen birge ekenimizdi qaperińizge beremiz. Sizge jetip jatyrǵan biz jaıyndaǵy jaǵymsyz aqparattarǵa senbeýińizdi suraımyz. Ol aqparattardyń barlyǵy jalǵan, óıtkeni bizdiń jasap jatqan is-áreketterimiz Prezıdent ákimshiligimen birlesip jasalýda. Biz tek birigip qana myzǵymas qamal bola alamyz. Erteń ósip órkendegen elde ómir súrý maqsatynda aqyldasyp, keńesip otyrsaq sheshilmeıtin másele joq dep esepteımiz», — deıdi «Otyn-energetıka kesheni» qyzmetkerleri.
Prezıdentke úndeý joldaǵandar qatarynda KMG-Security Jańaózen fılıalynyń jumysshylary da bar.
«Qurmetti Qasym-Jomart Toqaev biz Prezıdent ákimshiligimen birigip burynnan kele jatqan máselelerdi jáne siz aldyńyzǵa qoıǵan mindetterdi birtindep sheship kelemiz. Zulym kúshter bizdi bir-birimizge qarsy qoıýǵa tyrysqanymen, olar oǵan qol jetkize almaıdy, óıtkeni biz sizben birgemiz. Erteń ósip órkendegen elde ómir súrý maqsatynda aqyldasyp, keńesip otyrsaq sheshilmeıtin másele joq esepteımiz», — deıdi jumysshylar.
Óz kezeginde Mańǵystaý oblysy Oil Construction Company qurylysshylary Prezıdentke alǵys aıtýdan bastady.
«Qurmetti Prezıdent myrza, el úshin osynaý qıyn-qystaý ýaqytta biz árdaıym sizben birgemiz jáne sizdi qoldaımyz. Biz kásipodaq músheleri jáne Prezıdent ákimshiligi birlesip burynnan kele jatyrǵan máselelerdi jáne siz aldymyzǵa qoıǵan mindetterdi birtindep sheship kelemiz. Syrtqy zulym bizdi bir-birimizge qarsy qoıýǵa tyrysqanymen olar oǵan qol jetkize almaıdy. Óıtkeni, biz sizben birgemiz. Biz tek birigip qana myzǵymas qamal bola alamyz. Erteń ósip, órkendegen elde ómir súrý maqsatynda biz aqyldasyp, keńesip otyrsaq, sheshilmeıtin másele joq dep esepteımiz. Biz QR Prezıdenti Qasym-Jomart Toqaevpen birgemiz!», — deıdi kompanııa qyzmetkerleri.
