Mańǵystaýlyq jıhankez túrki elderin velosıpedpen aralaýǵa jolǵa shyqty
AQTAÝ. KAZINFORM – Mańǵystaýlyq jıhankez Rabbım Borashev «Aqtaý – Túrki áleminiń mádenı astanasy» mádenı jyly aıasynda túrki memleketterin velosıpedpen aralap shyqpaq.
Jıhankez Qońyrat-Hıýa-Úrgenish-Samarqand-Tashkent-Túrkistan-Taraz-Bishkek-Almaty-Ashhabad qalalaryna baryp, 4 500 shaqyrym júrýdi josparlaıdy.
— Aqtaý qalasy kúlli túrki áleminiń mádenı astanasy atanyp jatyr. Osyǵan oraı, Parıjdegi saparym sekildi túrki elderiniń yntymaqtastyǵyn, birligin kórsetý maqsatynda jolǵa shyqtym. Túrki memleketteriniń birligi bekem bolǵaı, aq jol tilegen halyqqa alǵysym sheksiz, - deıdi Rabbım Borashev.
Buǵan deıin, aqtaýlyq Rýslan Chýrovtyń Antarktıdaǵa saıahat jasaǵany týraly jazǵan bolatynbyz.
Sondaı-aq qazaqstandyq zeınetker 5 myń shaqyrymdy velosıpedpen júrip ótip Parıjge jetkenin de habarlaǵan edik.