Mańǵystaýlyq ustazdar keýdege tósbelgiler taqty

Ustazdar kúni merekesine oraı Mańǵystaý oblysynda bilim berý júıesin damytýǵa úles qosqan pedagogter marapattaldy, dep habarlaıdy QazAqparat tilshisi.

Atap aıtqanda, óńir ustazdary «Eńbek ardageri» jáne «Bilim berý isiniń qurmetti qyzmetkeri» tósbelgilerimen, «Orta bilim berý isiniń úzdigi», «Tehnıkalyq jáne kásiptik bilim berý isiniń úzdigi» qurmet dıplomdarymen, Mańǵystaý oblysy ákiminiń Alǵys hattarymen marapattaldy.

Sondaı-aq eńbektegi jetistikteri joǵary muǵalimderge 12 nomınatsııa boıynsha oblys ákiminiń «Mańǵystaý oblysynyń bilim berý salasyna qosqan úlesi úshin» tósbelgisi men 500 myń teńge kóleminde birjolǵy syıaqy tabystaldy.

Birqatar pedagog qazaqstandyq oqý-aǵartý, ǵylym jáne joǵary bilim qyzmetkerleriniń salalyq kásiptik odaǵynyń «Sosnovyı bor» shıpajaıyna joldama aldy.

Jalpy Mańǵystaý oblysynda 188 mektep jumys jasaıdy. Bıyl 20 myńnan astam bala alǵash ret mektep tabaldyryǵyn attady. Óńirde jalpy bilim beretin mektebi joq 7 eldi meken bar.