Mańǵystaýlyq palýan Parıjde dzıýdodan álem chempıony atandy
AQTAÝ. KAZINFORM – Frantsııanyń Parıj qalasynda ótip jatqan dzıýdodan ardagerler arasyndaǵy Álem chempıonatynda mańǵystaýlyq tájirıbeli palýan Qaırat Býrbasov el namysyn abyroımen qorǵap, dzıýdodan Álem chempıony atandy.
Mańǵystaý dzıýdo federatsııasynyń habarlaýynsha, Qaırat Býrbasov Brazılııalyq Felıp Lýnany, Frantsııalyq Djoffreı Armandty, jartylaı fınalda Grýzııalyq Dmıtrıı Mýladzeni jeńip, fınalǵa joldama alǵan. Fınalda otandasy, 2024 jyly Las-Vegasta álem chempıony atanǵan Atyraý sportshysy Esmaǵanbetov Meırambekti utyp, álemdik dodanyń jeńimpazy atanǵan.
Qaırat Býrbasov — qazaq kúresinen tuńǵysh álem chempıonatynyń qola júldegeri, halyqaralyq dárejedegi sport sheberi, qazaq kúresinen QR eńbegi sińgen jattyqtyrýshy, sambodan sport sheberi, dzıýdodan sport sheberi, álem chempıony «Qara býra» — Nýrdaýlet Jarylǵapovtyń jeke bapkeri.
Buǵan deıin, Djıý-djıtsýdan álem chempıonatynda fınalda qos qazaq qyzy kúresip, Jibek Qulymbetova úzdik shyqty.