Mańǵystaýda feldsherler júkti áıeldi jedel járdem kóliginde bosandyryp aldy
AQTAÝ. KAZINFORM – Mańǵystaýlyq feldsherler Kúnsııa Beknazarova men Kamıla Keýlimjaeva aıaǵy aýyr áıeldi kólikte bosandyryp, ana men balany aman alyp qaldy. Munaıly aýdany Batyr aýylynyń turǵyny júktiliktiń 37 aptasynda jedel járdem shaqyrǵan. Alaıda perzenthanaǵa jetpeı jolda bosandy.
«Júktiligi 37-apta bolǵan áıeldi jedel járdem kóligimen Batyr aýylynan Aqtaý qalasyndaǵy oblystyq perzenthanaǵa apara jatqanbyz. Jolda kenetten áıeldiń tolǵaǵy jıilep, kólikte bosandyrýǵa týra keldi. Sábıdiń aman-esen dúnıege kelýine kómektestik. Mundaı jaǵdaıda der kezinde ana men sábıdiń amandyǵy úshin kúsh salamyz. Sebebi ár mınýt mańyzdy», - deıdi Munaıly aýdany jedel járdem bólimshesiniń feldsheri Kúnsııa Beknazarova.
Feldsherler jańa týǵan náresteniń kindigin kesip, Mańǵystaý oblystyq «Ana men bala» ortalyǵyna jetkizgen. Búginde jas bosanǵan ana da, sábı de mamandardyń baqylaýynda. Jaǵdaıy jaqsy. Náresteniń salmaǵy – 3 keli 200 gramm, boıy – 52 santımetr.
Buǵan deıin Almatylyq júkti áıeldiń patrýldik kólikte bosanǵanyn jazǵan edik.
