Mańǵystaýlyq eriktiler qulsarylyqtardy jyly qarsy aldy
ASTANA. KAZINFORM – Mańǵystaý oblysyna Qulsarydan 20 myńnan astam adam ýaqytsha qonystanǵan. Olar mektep pen jataqhanaǵa evakýatsııalandy.
Bul rette Mańǵystaý oblystyq jastar resýrstyq ortalyǵynyń jastary men ortalyq janynan qurylǵan volonterlik korpýs sý tasqynynan zardap shekken qulsarylyqtarǵa barynsha qolǵabys qylýda.
Ortalyq kommýnıkatsııalar qyzmetinde ótken brıfıngte Manǵystaý oblysy volonterler front-ofısiniń jetekshisi Gúlmıra Baıanqyzy aǵymdaǵy jaǵdaıdy bólisti.
Belgili bolǵandaı, mańǵystaýlyq eriktiler Aqtóbege 10 tonnaǵa jýyq, al Atyraý oblysyna 21 tonnadan astam gýmanıtarlyq kómek jınaǵan.
«Oblys boıynsha evakýatsııalyq pýnkter men jınaý ortalyqtaryna 1 032 erikti jumyldyrylǵan. Qazirgi tańda olar gýmanıtarlyq kómek jınaý ortalyqtarynda jumys isteıdi. Sonymen qatar, evakatsııalyq pýnkterdegi qulsarylyqtarǵa barynsha qyzmet kórsetip jatyr», - dedi spıker.
