Mańǵystaýlyq ekologter ólgen aqqýlarǵa qatysty zertteý nátıjelerin jarııalady
AQTAÝ. KAZINFORM – Mańǵystaý oblystyq ekologııa departamentiniń mamandary ólgen aqqýlarǵa qatysty zertteý qorytyndysyn jarııalady. Ekologter ólekseler tabylǵan aýmaqtan sý synamalaryn alyp, zerthanalyq taldaý jumystaryn júrgizgen bolatyn.
- Mańǵystaý oblystyq ekologııa departamentiniń zerthanalyq-analıtıkalyq baqylaý bóliminiń mamandary bıylǵy 25 naýryzda Túpqaraǵan aýdanynyń Saıyn -Shapaǵatov aýylyndaǵy jaǵalaý ýchaskesinde 11 aqqýdyń óleksesi tabylýyna baılanysty sý synamalaryn aldy. Alynǵan synamalar boıynsha zerthanalyq saraptama júrgizildi. Taldaý nátıjesine sáıkes, sýda lastaýshy zattar anyqtalǵan joq, - delingen habarlamada.
Aıta keteıik, buǵan deıin, Aqtaý qalasyna jaqyn ornalasqan Saıyn Shapaǵatov aýlynyń jaǵalaýynan óli aqqýlar tabylǵanyn jazǵan bolatynbyz
Mańǵystaýda buǵan deıin de aqqýlar qyrylǵan edi.
