Mańǵystaýlyq dáriger bas súıegi synyp, mıy janshylǵan balany aman alyp qaldy
AQTAÝ. KAZINFORM — Qaraqııa aýdanyna qarasty Quryq aýylynda 7 jasar balanyń basyna temir qubyr qulap, aýyr jaraqat alǵan, Saldarynan búldirshinniń bas súıegi synyp, mıy janshylyp qalǵan.
Naýqas jedel-járdemmen oblystyq kópbeıindi balalar aýrýhanasyna jetkizilip, jansaqtaý bólimine jatqyzylǵan. Dárigerler balada aýyr ashyq bas-mı jaraqatyn, oń jaq tóbe súıeginiń bas súıek negizine ótetin janshylǵan kópjaryqshaqty synýyn, mıdyń janshylýyn, pnevmotsefalııany, lıkvoreıany, mıdyń aýyr dárejedegi isinýin anyqtady.
Neırohırýrg dáriger Erbol Kenjevalovtyń jetekshiligimen shuǵyl operatsııa jasaldy. Ota barysynda bas súıegine trepanatsııa júrgizilip, janshylǵan súıek fragmentteri alynyp, qatty mı qabyǵyna plastıka jasalǵan. Kúrdeli operatsııa 21:40–ta bastalyp, 00:10–da sátti aıaqtalǵan.
— Qazirgi ýaqytta balanyń jaǵdaıy turaqty. Búldirshin esin jıyp, ózdiginen tamaqtanyp jatyr. Áke-anasyn tanıdy. Jaǵdaıy turaqty baqylaýda, — deıdi neırohırýrg dáriger Erbol Kenjevalov.
Buǵan deıin, Kaspıı jaǵalaýynan 300-ge jýyq ıtbalyqtyń óleksesi tabyldy.
