Mańǵystaýlyq 200 qutqarýshy úsh óńirdegi jumysyn jalǵastyryp jatyr
AQTAÝ. KAZINFORM - Mańǵystaý oblysynyń Tótenshe jaǵdaılar departamentiniń 200 qyzmetkeri sý basqan oblystardaǵy TJ joıý jumystaryna jumyldyrylyp otyr.
Óńirdiń TJD málimetinshe, Mańǵystaýdan Aqtóbe, Batys Qazaqstan jáne Atyraý oblystaryndaǵy sý tasqynymen kúresý úshin barlyǵy 200 qyzmetker, 19 tehnıka, 7 qaıyq, 6 qutqarý sheńberi, 2 kvadrokopter jáne 28 motopompa jiberilgen.
«Qalyptasqan jaǵdaıǵa baılanysty óńirlik qutqarýshylar 25 naýryzdan bastap Aqtóbe oblysynda, 28 naýryzdan bastap Batys Qazaqstan oblysynda, 9 jáne 12 sáýirden bastap Atyraý oblysynda TJ joıýǵa jumyldyryldy. Qutqarýshylardyń basty mindeti - adamdardy, tórt túlikti qutqaryp, evakýatsııalaý, egjeı -tegjeıli sharalardy júrgizý jáne materıaldyq qundylyqtardy qorǵaý boldy. 912 adam (onyń ishinde 252 bala) evakýatsııalandy jáne 5 azamatqa medıtsınalyq kómek kórsetildi» dep jazylǵan departament taratqan aqparatta.
Búgingi tańda mańǵystaýlyq qutqarýshylardyń qatysýymen 530 926 tekshe metr sý soryldy.
Inertti materıal salynǵan 167 975 qap jáne 800 metr polıetılen plenka daıyndalyp, tóselgen.
Osyǵan deıin Aqtaýda Atyraý oblysynan evakýatsııalanǵandarǵa arnalǵan qoǵamdyq kómek shtaby ashylǵan bolatyn.
Sonymen birge, Mańǵystaýdan Atyraýǵa arnaıy tehnıkalar jóneltildi.
