Mańǵystaýǵa qoqıqazdar ushyp keldi

AQTAÝ. KAZINFORM – Qyzǵylt qoqıqazdardyń ádemi kadrlaryn jergilikti turǵyn Nurken Tájibaı jarııalaǵan.

Ústirt memlekettik tabıǵı qoryǵy mamandarynyń aıtýynsha, qoqıqazdardyń kóktemgi mıgratsııasy bastaldy. Búginde shamamen 5 myń qoqıqaz kelgen. 

- Kóktemgi mıgratsııa aqpannan naýryzǵa deıin jalǵasady. Al, kúzgi mıgratsııa qyrkúıek pen qazan aılarynda bolady. Búgin «Qarakól» kólinde kóktemgi sanaq jumystary bastaldy. Qazirgi tańda 5 myńdaı qoqıqaz bar, - deıdi Ústirt memlekettik tabıǵı qoryǵynyń ǵylymı qyzmetkeri Jasqaırat Nurmuhanbetov. 

Qoqıqaz «Qyzyl kitapqa» engen jyl qusy. Olar «Qaraqııa» kólinde qonaqtaıdy. Qanattylar munda shamamen 15 kún bolyp, kúsh jınap, ary qaraı tropıkalyq jyly aımaqtarǵa ushyp ketedi. Bul qoqıqazdardyń jyldaǵy áreketi. 

- Keıbir qoqıqazdar «Qarakól» kólinde qystap qalady. Mıgratsııa kezinde Qarakólde qustardyń alýan túrliligi baıqalady. 200 den asa túri kezdesedi. Onyń ishinde 20 dan astamy elimizdiń qyzyl kitabyna engen qustar, - deıdi Jasqaırat Nurmuhanbetov. 

Qazaqstanda qoqıqazdyń 2 túri mekendeıdi. Olar Qorǵaljyn qoryǵyndaǵy «Teńiz» kólinde ǵana uıalap, jumyrtqalaıdy. Dene bitimi erekshe, tumsyǵy ımek, sıraǵy uzyn, sırek kezdesetin qustarǵa qyzyǵýshylyq kóp. Sondyqtan qoryq qyzmetkerleri qoqıqazdar kelgende kún-tún demeı jumys isteıdi. Al, qoqıqazardyń aqtaýdaǵy «Qarakólge» aıaldaýynyń sebebi - kóldiń sýy jyly ári, qorektik zattarǵa baı. Odan ary qaraı olar Túrikmenstan men Iran elderine ushyp ketedi.

Posmotret etý pýblıkatsııý v Instagram

Pýblıkatsııa ot Nurken Tájibaı (@nurkentazhibay)

Buǵan deıin, Sırek kezdesetin jaıt: Atyraýdyń mańyna qoqıqazdar ushyp kelgeni týraly jazǵan bolatynbyz.