Mańǵystaýǵa qoqıqazdar qaıta orala bastady
AQTAÝ. KAZINFORM – Mańǵystaý oblysynda qoqıqazdardyń kúzgi maýsymdyq kóshi bastaldy. Alǵashqy qustar Qaraqııa-Qarakól memlekettik tabıǵı zoologııalyq qaýmalyna keldi.
Ulttyq tabıǵı park mamandarynyń málimetinshe, kúzgi kezeńde Qaraqııa-Qarakól qoqıqazdardyń maýsymdyq kóshi-qon kezinde aıaldaıtyn oryndarynyń birine aınalady. Qarakól kóli - sý mańyn mekendeıtin qustar úshin mańyzdy tabıǵı aýmaq.
Qazaqstanda qoqıqazdar erekshe qorǵalatyn qustardyń qataryna jatady jáne Qyzyl kitapqa engizilgen. Olar uzyn aıaqtarymen, ıilgen tumsyǵymen jáne qyzǵylt tústi qaýyrsynymen erekshelenedi.
Qaraqııa-Qarakól memlekettik tabıǵı zoologııalyq qaýmaly Mańǵystaý oblysynyń Qaraqııa aýdany aýmaǵynda ornalasqan. Onyń aýmaǵy 137,5 myń gektar.
Mamandardyń aıtýynsha, qoqıqazdardyń maýsymdyq kelýi - tabıǵı úderistiń bir bóligi. Qustardyń kóshi-qony men aıaldaý erekshelikteri tabıǵı aýmaq mamandarynyń baqylaýynda.
Buǵan deıiń, Qoqıqazdardyń mekenin saqtaý úshin Qorǵaljynǵa 40 mln tekshe metr sý jiberildi.
