«Mańǵystaýenergomunaı» JShS bas dırektory taǵaıyndaldy

ASTANA. KAZINFORM - Qýanbek Shákiruly Bıǵalıev «Mańǵystaýenergomunaı» JShS bas dırektory bolyp taǵaıyndaldy, dephabarlaıdy «QazMunaıGaz» ulttyq kompanııasynyń baspasóz qyzmeti.

Q.Bıǵalıev 1968 jyly dúnıege kelgen. 1992 jyly Almaty energetıkalyq ınstıtýtyn «Ónerkásiptik kásiporyndardy elektrmen jabdyqtaý» mamandyǵy boıynsha, 2004 jyly Sh. Esenov atyndaǵy Aqtaý memlekettik ýnıversıtetin «Ekonomıka» mamandyǵy boıynsha bitirgen.

Eńbek jolyn Mańǵystaý montajdaý-retteý basqarmasynyń Jetibaı ýchaskesinde ınjener-retteýshi bolyp bastady.

Ár jyldary «Ózenmunaıgaz» AQ qurylymdarynda ınjener-retteýshi, qabat qysymyn ustap turý tsehynyń bastyǵy, bas ınjener, «Ózenenergomunaı» basqarmasynyń dırektory qyzmetterin atqardy.

Bul laýazymǵa taǵaıyndalǵanǵa deıin «Mańǵystaýenergomunaı» JShS bas dırektorynyń óndiris jónindegi orynbasary boldy.

«Mańǵystaýenergomunaı» JShS — «Mańǵystaýmunaıgaz» AQ-nyń Qalamqas jáne Jetibaı ken oryndarynda elektr jelilerine tehnologııalyq qyzmet kórsetedi.

Osyǵan deıin habarlaǵanymyzdaı, Energetıka mınıstrligi apparatynyń basshysy taǵaıyndaldy.