Mańǵystaýdyń jerasty meshitterin ıÝNESKO tizimine qosý úshin qujattar ázirleý bastaldy
ASTANA. KAZINFORM – Mańǵystaýdyń jerasty meshitterin ıÝNESKO muralary tizimine qosý úshin nomınatsııalyq qujattardy ázirleý bastady. Bul týraly Mádenıet jáne aqparat mınıstrliginen málim etti.
«Memleket basshysy Qasym-Jomart Toqaevtyń Ulttyq quryltaıdyń «Adal adam -Adal eńbek - Adal tabys» atty úshinshi otyrysynda bergen tapsyrmasyna saı Mádenıet komıteti 2024 jyly Mańǵystaýdyń jerasty meshitteri boıynsha nomınatsııalyq qujattardy ázirleýdi bastady. Jalpy, Mańǵystaýdyń jerasty meshitteri nomınatsııasy aıasynda Beket ata, Sholpan ata, Shaqpaq ata, Qaraman ata jáne Sultan epe eskertkishteri boıynsha qujattamalar daıyndaý kózdelgen», - delingen mınıstrliktiń agenttik saýalyna bergen jaýabynda.
Vedomstvo málimetinshe, nomınatsııalyq qujattardy daıyndaý ıÝNESKO talaptaryna saı aýqymdy jumystardy júrgizýdi qajet etedi.
«Onyń ishinde nomınatsııalatyn obektiler boıynsha olardyń býferlik aımaqtarynyń jobasyn ázirleý, ıÝNESKO belgilegen nomınatsııalaýdyń 10 krıterıılerimen baılanystyryp, ıÝNESKO tizimine usynylatyn obekterdiń joǵarǵy ámbebap qundylyqtaryn ajyratý, basqarý josparlaryn ázirleý, aldyn-ala monıtorıngtik jumystardy júrgizýdi qajet etedi. Keleshekte Qazaqstannyń ortaǵasyrlyq meshitteri men keseneleri sáýlettik óner úlgilerin (olardyń reti anyqtalatyn bolady), sondaı-aq, qazirgi zamannyń sáýlettik óner týyndylaryn (máselen, Qazaqstan qonaq úıi, Medeý muz aıdyny) halyqaralyq keńistikke usyný jospary bar», - dedi mınıstrlikten.
