Mańǵystaýdyń bir ǵana aýdanynda ákim saılaýy ótedi

5 qarasha kúni ótetin saıası naýqanda Mańǵystaýda bir ǵana Beıneý aýdanynyń ákimi saılanady. Bul orynǵa 5 úmitker tirkelgen. Aýdanda 30 ýchaske saıası naýqanǵa daıyn, dep habarlaıdy Kazinform. 

Usynylǵan qujattardyń talapqa sáıkestigi tekserilgen. Nátıjesinde 5 kandıdat tirkelip, onyń tórteýi ózin usynǵan.

«10 qazanda saǵat 18:00-de kandıdattardy tirkeý protsesi aıaqtaldy. Aýdan boıynsha 40 134 saılaýshy bar. Olar arnaıy jabdyqtalǵan 30 ýchaskede daýys bere alady», - dedi Beıneý aýdandyq saılaý komıssııasynyń tóraǵasy Tańat Amalbaev.

Aıta keteıik, aýdanda 75 myńnan astam adam turady. Onyń ishinde 40 myńǵa jýyǵy daýys berý quqyǵyna ıe. Saılaý ýchaskelerinde 188 komıssııa múshesi jumys isteıdi.

Úgit kezeńi 4 qarashaǵa deıin jalǵasady.