Mańǵystaýdyń Beıneý aýylynda turǵyndy qaraqurt shaqty

AQTAÝ. KAZINFORM — Oqıǵa Sarǵa aýylynda bolǵan. Jańaózendik turǵyn atalǵan eldi mekenge qydyryp kelgen. Ony úıdiń aýlasynda qaraqurt shaǵyp aldy.

Zardap shekken turǵyn Beıneý aýdandyq aýrýhanasyna jetkizilgen.

Dárigerlerdiń aıtýynsha, naýqastyń dene qyzýy 40 S-qa deıin kóterilip, aıaqtary jansyzdanyp kelgen. 

— Naýqas qan qysymynyń kóterilýi, aıaqtyń jansyzdaný, ish pen sol jaq bel aımaǵynyń aýyrsynýyna jáne birneshe kún boıy ishtiń qatýyna shaǵymdandy. Ol dereý terapııa bólimine jatqyzylyp, em qabyldady. Qyzýy túsip, jaǵdaıy turaqtaldy. Biraq, ishek jumysynyń buzylýyna baılanysty hırýrgııa bólimine aýystyryldy. Qazir naýqastyń jaǵdaıy birqalypty, dárigerlerdiń baqylaýynda, — deıdi Beıneý aýdandyq aýrýhanasy dırektorynyń emdeý isi boıynsha orynbasary Qaıyrjan Túıebaev.

Buǵan deıin Beıneý aýdanynda birneshe aýyldy qara qońyz qaptap ketken edi.