Mańǵystaýdaǵy janjal: oq jaraqatyn alǵan eki adam aýrýhanaǵa jetkizildi
AQTAÝ. KAZINFORM – Mańǵystaý oblysynyń Túpqaraǵan aýdanyndaǵy Aqshuqyr aýylynda bolǵan janjal saldarynan eki jas jigit oq jaraqatyn alyp, aýrýhanaǵa jetkizildi. Oqıǵaǵa baılanysty adam óltirýge oqtalý, buzaqylyq jáne sýyq qarýdy zańsyz alyp júrý men ótkizý faktileri boıynsha qylmystyq is qozǵaldy. Qazirgi ýaqytta tórt kúdikti qamaýǵa alyndy.
9 shilde kúni Mańǵystaý oblysynyń Túpqaraǵan aýdanyna qarasty Aqshuqyr aýylynda birneshe adam arasynda janjal boldy. Oqıǵa saldarynan eki jas jigit oq jaraqatyn alyp, Mańǵystaý oblystyq kópbeıindi aýrýhanasyna jetkizildi. Zardap shekkenderge qajetti medıtsınalyq kómek kórsetilip jatyr.
Oqıǵaǵa baılanysty quqyq qorǵaý organdary Qylmystyq kodekstiń birneshe baby boıynsha sotqa deıingi tergep-tekserýdi bastady. Atap aıtqanda, adam óltirýge oqtalý, buzaqylyq, sondaı-aq sýyq qarýdy zańsyz alyp júrý jáne ótkizý belgileri boıynsha qylmystyq is qozǵaldy.
Mańǵystaý oblystyq Polıtsııa departamentiniń málimetinshe, oqıǵa bolǵannan keıin jedel-izdestirý is-sharalary uıymdastyrylǵan.
– Oqıǵa saldarynan qaza tapqandar joq. Qazirgi tańda oqıǵanyń barlyq mán-jaıyn jan-jaqty, tolyq ári obektıvti anyqtaýǵa baǵyttalǵan qajetti tergeý jáne jedel-izdestirý is-sharalary júrgizilip jatyr, – dedi Aıgerim Ibatýllaeva.
Buǵan deıin Aqtaýda barda er adamnyń betine oq atqan kúdikti ustalǵanyn jazǵan edik.
