Mańǵystaýdaǵy radıoaktıvti qaldyqtar nysandary baqylaýǵa alyndy
AQTAÝ. KAZINFORM - Mańǵystaý oblysynda ýran murasy obektilerin qaýipsiz ońaltý máseleleri talqylandy.
Qazaqstan Respýblıkasy Atom energııasy jónindegi agenttigi tóraǵasynyń orynbasary Ǵumar Serǵazın halyqaralyq uıymdar men sheteldik áriptesterdiń ókilderimen birqatar ekijaqty kezdesý ótkizdi.
Atap aıtqanda, Atom energııasy jónindegi halyqaralyq agenttiktiń, Norvegııanyń radıatsııalyq qaýipsizdik agenttiginiń jáne Eýropalyq komıssııanyń ókilderimen kezdesý ótti.
Radıoaktıvti qaldyqtarmen jumys isteý, ýran murasy obektilerin ońaltý, ulttyq ınfraqurylymdy jetildirý salasyndaǵy halyqaralyq yntymaqtastyqty odan ári damytý, sondaı-aq birlesken jobalardy iske asyrý úshin halyqaralyq tehnıkalyq, qarjylyq jáne saraptamalyq qoldaýdy tartý máseleleri talqylandy.
Mańǵystaý oblysyna sapary sheńberinde Ǵumar Serǵazın Mańǵystaý oblysy ákimdiginiń ókilderimen birlesip «Qoshqar-Ata» qaldyq qoımasyna, burynǵy Hımııa-gıdrometallýrgııa zaýytynyń aýmaǵyna jáne ýran karerlerine bardy. Sapar barysynda obektilerdiń aǵymdaǵy jaı-kúıi, qaýipsizdikti qamtamasyz etý boıynsha júrgizilip jatqan is-sharalar, sondaı-aq olardy odan ári zerttep-qaraý, ońaltý jáne uzaq merzimdi monıtorıngti uıymdastyrý sharalary qaraldy.
Ótkizilgen kezdesýler halyqaralyq áriptesterdiń Qazaqstanmen yntymaqtastyqty odan ári damytýǵa múddeli ekenin rastady. Qol jetkizilgen ýaǵdalastyqtar ıadrolyq jáne radıatsııalyq qaýipsizdikti qamtamasyz etýge, radıoaktıvti qaldyqtarmen jumys isteýdiń ulttyq júıesin jetildirýge jáne ýran murasy obektilerin qaýipsiz ońaltýǵa baǵyttalǵan birlesken jobalardy iske asyrýǵa yqpal etetin bolady.
Aıta ketelik SІM Iran ýranyn Qazaqstanda saqtaý bastamasyna pikir bildirgen edi.
