Mańǵystaýdaǵy munaı men emdik-mıneraldy sý ken oryndaryn ashqan ǵalym kóz jumdy
ASTANA. KAZINFORM — Energetıka mınıstrliginiń ujymy munaı-gaz salasynyń kórnekti qaıratkeri, tehnıka ǵylymdarynyń doktory, Mańǵystaý oblysyndaǵy munaı jáne emdik-mıneraldy sý ken oryndaryn ashqan ǵalym Oleg Sergeevıch Gershtanskııdiń mezgilsiz qaıtys bolýyna baılanysty týǵan-týystary men jaqyndaryna qaıǵyryp kóńil aıtty.
O.Gershtanskıı 1978 jyldan bastap ómiriniń sońyna deıin munaı-gaz salasyndaǵy túrli laýazymdar men basshylyq qyzmetterde eńbek etti.
Munaıshy-geologtardyń qazaqstandyq qoǵamynyń, mınıstrliktiń janyndaǵy Kómirsýtek ken oryndaryn barlaý jáne ıgerý jónindegi ortalyq komıssııasynyń múshesi boldy, «KAZENERGY» qaýymdastyǵynyń Ǵylymı-tehnıkalyq keńesine kirdi, 100-den astam ǵylymı maqalanyń, 82 ónertabystyń jáne 5 monografııanyń avtory.
Eńbek jolyndaǵy erekshe jetistikteri úshin ol memlekettik marapattarmen - «Qurmet», «Parasat» ordenderimen, «Eren eńbegi úshin» medalimen jáne basqa da medaldarmen, sondaı-aq «Qazaqstannyń eńbek sińirgen geology», «Munaı-gaz salasynyń eńbek sińirgen qaıratkeri» qurmetti ataqtarymen marapattaldy.
- Oleg Sergeevıch jarqyn ǵumyr keshti, árdaıym belsendi azamattyq ustanymda boldy, ony tereń adamgershilik qasıetteri, joǵary kásibıligi jáne óz isine degen adaldyǵy erekshelendirdi.
Geologtar men geofızıkter qaýymdastyǵy óziniń eń qymbatty músheleriniń birin – elimizdiń munaıshylar dástúrin saqtaýshy ári qorǵaýshy tulǵasyn joǵaltty, - dep jazdy vedomstvodan.
Aıta keteıik, Qashaǵan ken orny ashylǵaly 115 mln tonna munaı óndirildi.