Mańǵystaýdaǵy Qyzylsaı ulttyq parkine kirý baǵasy ózgerdi
AQTAÝ. KAZINFORM – Mańǵystaý oblysynyń ákimdigi erekshe qorǵalatyn tabıǵı aýmaqtar kórsetetin qyzmetterdiń jańa tarıfterin bekitti. Jańa baǵalar aılyq eseptik kórsetkishke (AEK) baılanysty belgilengen.
Jańa qaýlyǵa sáıkes, «Qyzylsaı» ulttyq parki aýmaǵynda kórsetiletin birqatar qyzmet quny ózgerdi. Máselen, 20 adamǵa deıingi topqa ekskýrsııa júrgizý qyzmeti táýligine 1,8 AEK, al jolserik qyzmeti 0,9 AEK bolady. 16 adamǵa deıingi topqa arnalǵan «Gazel NEXT» kóligin jaldaý quny táýligine 15,9 AEK kóleminde belgilengen.
Sonymen qatar erekshe qorǵalatyn aýmaqqa kelýshilerdiń jekelegen sanattaryna jeńildikter qarastyrylǵan. Atap aıtqanda, zeınetkerler, múgedektigi bar adamdar, Ekinshi dúnıejúzilik soǵys ardagerleri jáne olarǵa teńestirilgen azamattar, eńbek ardagerleri, sondaı-aq 6 jasqa deıingi balalar aýmaqqa tegin kire alady.
6-17 jas aralyǵyndaǵy mektep oqýshylaryna 50 paıyzdyq, al kúndizgi bólimde oqıtyn stýdentterge 25 paıyzdyq jeńildik beriledi.
Aıta keteıik, jańa tarıfterdi bekitýge baılanysty buǵan deıin qoldanysta bolǵan 2021 jáne 2026 jyldardaǵy qaýlylardyń kúshi joıyldy.
Buǵan deıin, Aqtaýda «Altyn belgisiz» qalǵan túlektiń isi mınıstrlikke deıin jetti.
