Mańǵystaýdaǵy «Qyzylsaı» tabıǵı parkinde arqar men qaraquıryq sany kóbeıdi
Mańǵystaýda «Qyzylsaı» memlekettik óńirlik tabıǵı parkiniń qorǵaýyndaǵy arqar, qaraquıryq basy 18 paıyzǵa kóbeıip, ańdar men qustar úshin daladaǵy 52 bulaqtyń kózi ashylǵan. Bul týraly «Qyzylsaı» memlekettik óńirlik tabıǵı parkiniń dırektory málimdedi.
Mańǵystaý aýdany ákimdiginiń baspasóz qyzmetiniń málimetinshe, memlekettik-óńirlik, tabıǵı parkiniń negizgi mindeti — janýarlar men ósimdikter dúnıesin qorǵaý jáne ósimin molaıtýǵa baǵyttalyp otyr. Qyzylsaı parkiniń quramyna «Tasorpa», «Manashy», «Jabaıushqan», «Adamtas» memlekettik tabıǵı qaýmaldary men Qyzylsaı parki kiredi.
«Júzge jýyq adam eńbek etetin mekemege 2023 jyly 6 jańa (patrıot ýaz) avtokólik berildi. Quramynda ǵylymı, tehnıkalyq, qarjylyq, órt qaýipsizdigi bólimderi bar nysannyń jańa tehnıkamen tolyǵýy tabıǵat, ósimdik, ań, qustardy qorǵaý, tolyqtyrý, kóbeıtý jumystaryna kúndelikti qajet», - deıdi «Qyzylsaı» memlekettik óńirlik tabıǵı parkiniń basshysy M.Qarataýov.
Onyń aıtýynsha, erekshe qorǵaýǵa alynǵan arqar, qaraquıryqtyń basy kóbeıýi men bulaqtardyń kózin ashýda memlekettik ınspektorlardyń tynymsyz eńbeginiń úlesi zor bolyp otyr.
