Mańǵystaýdaǵy qaıǵyly oqıǵadan aman qalǵan atyraýlyq sarbaz jaǵaǵa ózi júzip shyqqan
ATYRAÝ. KAZINFORM — Mańǵystaý oblysynda bolǵan qaıǵyly oqıǵadan aman qalǵan atyraýlyq 19 jastaǵy Beket Qýandyq óz kúshimen jaǵaǵa júzip shyqqan. Bul týraly sarbazdyń ata-anasy aıtty.
Beket Qýandyqtyń ata-anasy osy jaǵdaıdy estigennen keıin Aqtaý qalasyna jolǵa shyǵyp, ulymen kezdesken. Sarbazdyń jaǵdaıy jaqsy, ózi júrip-tura alady.
— Balam din aman. Mundaıdy kórý eshkimniń basyna bermesin. Aýrýhanaǵa jatpaǵan. Óz kúshimen jaǵaǵa jetti. Qalǵany tekseris barysy bitken soń aıtylatyn bolar, — dep jazdy Bekettiń anasy.
Beket Qýandyq — Atyraý oblysyna qarasty Mahambet aýdanynyń turǵyny. Ol byltyr qazan aıynda merzimdi áskerı qyzmetke shaqyrylǵan.
— Qazaqstan halqy úshin bul óte qıyn jaǵdaı. Sózben aıtyp jetkize almaımyn. Eshkimniń basyna bermesin. Kóz jumǵan balalardyń jaqyndaryna kóńil aıtamyn, — dedi ol.
Buǵan deıin Mańǵystaýda qaza tapqan túrkistandyq áskerı qyzmetshiniń denesi týǵan jerine jetkizilgenin jazǵan edik.
