Mańǵystaýdaǵy ekologııalyq buzýshylyqtar: kompanııaǵa 7,8 mıllıon teńge aıyppul salyndy

ASTANA. KAZINFORM – Tabıǵatty qorǵaý prokýratýrasy taldaý barysynda ekologııalyq zańnama talaptarynyń buzylǵandyǵyn anyqtady.

«Atap aıtqanda, jer qoınaýyn paıdalanýshy „Jalǵyztóbemunaı“ JShS 2024 jyldyń 1-11 qańtar aralyǵynda ekologııalyq ruqsatsyz munaı jáne ilespe gaz óndirýdi júzege asyrǵan.

Prokýrorlyq qadaǵalaý aktisimen atalǵan mekeme Qazaqstan Respýblıkasynyń Ákimshilik quqyq buzýshylyq týraly kodeksiniń 328-babynyń 1-bóligi boıynsha ákimshilik jaýaptylyqqa tartyldy», — dep jazdy baqylaýshy organnan.

Aıyppul somasy 7,8 mln teńgeni qurady.

Buǵan deıin pavlodarlyq kásiporyn ekologııalyq talaptardy buzǵany úshin iri kólemde aıyppul tóledi.