Mańǵystaýdaǵy donordyń júregi transplantatsııa kezeginde turǵan naýqasqa salyndy

23 tamyzda Mańǵystaý oblystyq kópbeıindi aýrýhanasynda qaıtys bolǵan jas patsıent áleýetti donor retinde anyqtalǵan. Donorlyq protsess Respýblıkalyq transplantatsııany jáne joǵary tehnologııalyq medıtsınalyq qyzmetterdi úılestirý ortalyǵynyń uıymdastyrýymen júrgizildi.

Nátıjesinde marqum donordyń júregi transplantatsııa kezeginde turǵan naýqasqa aýystyryldy. Operatsııa UMC Júrek ortalyǵynda jasaldy.

— Retsıpıent — 1983 jyly týǵan patsıent. Qazirgi ýaqytta onyń jaǵdaıy operatsııadan keıingi kezeńge sáıkes keledi. Naýqas medıtsına mamandarynyń turaqty baqylaýynda, — dep habarlaıdy ortalyq.

Medıtsınalyq mekeme donordyń otbasyna erekshe alǵysyn bildirdi.

— Eń aýyr sátte donorlyqqa kelisim berip, batyldyq pen adamgershilik tanytqandaryńyz úshin alǵys aıtamyz. Osy sheshimniń arqasynda basqa adamǵa ómir súrýge múmkindik berildi. Qaıtys bolǵannan keıingi donorlyq — joǵary adamgershilik pen ózara qoldaýdyń kórinisi. Bir donor birneshe adamnyń ómirin saqtap, transplantatsııany jyldar boıy kútken jandarǵa úmit syılaı alady, — delingen habarlamada.

Buǵan deıin, Elde eń kóp suranysqa ıe donorlyq aǵza belgili boldy.