Mańǵystaýdaǵy aýdandardyń birinde elektr energııasyn qosý baǵasy tómendetildi

ASTANA. KAZINFORM — Mańǵystaý oblysy Beıneý aýdanynyń prokýratýrasy «Beıneýenergoservıs» MKK-nyń elektr energııasyna qosylý baǵasyn zańsyz kóterý faktisin anyqtady.

Mańǵystaý oblysynyń prokýratýrasy taldaý barysynda kásiporynnyń turǵyndar men kásipkerlerden elektr energııasyna qosylý úshin zańsyz joǵary soma alǵanyn anyqtady.

— Mysaly, «Ermagambetova» jeke kásipkerinen 160 myń teńgeden astam aqsha óndirilgen, onyń ishinde ǵımaratyn 380 volttyq elektr jelisine qosý úshin 70 myń teńge zańsyz túrde baqylanbaıtyn shyǵyndar esebinen alynǵan. Prokýratýranyń qadaǵalaý aktisi negizinde elektr energııasyna qosý shyǵyndary qaıta esepteldi: turǵyndar úshin qosylý quny 36%, al kásipkerlerge 61% (380 volt) jáne 52% (220 volt) tómendetildi, — delingen habarlamada.

Sonymen qatar kásiporyn basshylyǵy tarıfterdiń negizsiz kóterilgeni úshin tártiptik jaýaptylyqqa tartyldy.

Budan buryn otbasynda asa aýyr jaǵdaıǵa tap bolǵan 342 bala memleket qamqorlyǵyna alynǵany anyqtaldy.