Mańǵystaýdaǵy alkogolden bas tartqan aýylda birde-bir qylmys tirkelmegen

Mańǵystaýdaǵy Ondy aýylyndaǵy dúkenderde alkogol satylmaıdy. Nátıjesinde sońǵy úsh jylda birde-bir qylmys tirkelmegen, dep habarlaıdy Kazinform. 

«Mańǵystaý aýdanyndaǵy Ondy aýyly qylmysty azaıtý boıynsha rekord jańartyp otyr. Bul aýyl osydan úsh jyl buryn alkogolden tolyqtaı bas tartqan. Jergilikti turǵyndar aýyl sharýashylyǵyn belsendi júrgizedi: et, sút ónimderin óndiredi. Aýylda 45 sharýa qojalyǵy tabysty jumys istep tur», - dep málimdedi Mańǵystaý oblysy ákiminiń baspasóz qyzmetinen.

Jaqynda Ondy aýyldyq okrýgi respýblıkalyq «Aýyl – el besigi» baǵdarlamasyna engizildi. Sol arqyly aýyl turǵyndarynyń ómir súrý sapasyn jaqsartý boıynsha qosymsha sharalar qabyldanbaq.

Ondy aýyly da ádebı saladaǵy tarıhı murasymen maqtanady, óıtkeni dál osy jerde jazýshy Ábish Kekilbaev týyp-ósken.