Mańǵystaýda jumyssyzdyq máselesi qalaı sheshilip jatyr

ASTANA. KAZINFORM – Mańǵystaý oblysynyń Nurdáýlet Qılybaı óńirdegi jumyssyzdyq máselesi qalaı sheshilip jatqanyn aıtyp berdi. 

Búgingi kúni óńirdegi ózekti máselelerdiń biri — jumyssyzdyq bolyp otyr. 2025 jyldyń 3 toqsany boıynsha oblystaǵy jumyssyzdyq deńgeıi 5,1%-dy qurady.

— Jumyssyzdyq deńgeıin azaıtý maqsatynda aýdan, qala turǵyndarymen kezdesýler aıasynda óńirdegi iri mekeme basshylarymen kezdesý uıymdastyryldy. Bul másele meniń turaqty baqylaýda, - dedi N. Qılybaı elordada Ortalyq kommýnıkatsııalar qyzmetinde.

Bıyl ákim qabyldaýyna 700-ge jýyq adam qabyldansa, onyń 80%-dan astamy jumyssyzdyq máselesimen kelgen. Bir ǵana Aqtaý qalasynda osy máseleni retteý maqsatynda 18 iri mekememen memorandým jasalǵan.

Jumyspen qamtýdyń Óńirlik kartasyna sáıkes, 28 441 adam jumysqa ornalastyrylǵan, onyń 62%-y turaqty.

Buǵan deıin Nurdáýlet Qılybaı Aqtaýda aýyz sý tapshylyǵy tolyǵymen joıylǵanyn aıtqan edi. 

Sonymen birge, Mańǵystaý oblysynda 16 jańa jol salynyp jatyr.