Mańǵystaýda júkti áıelin pyshaqtaǵan turǵyn 15 jylǵa sottaldy

AQTAÝ. KAZINFORM – Mańǵystaýda júkti áıelin pyshaqtaǵan turǵynǵa qatysty sot úkimi shyqty.

Mańǵystaý oblystyq qylmystyq ister jónindegi mamandandyrylǵan aýdanaralyq soty baspasóz qyzmetiniń habarlaǵandaı, sottalýshy K. áıeliniń júkti ekenin bile tura, óziniń qylmystyq is-áreketin toqtatpaǵan. Aýyr dene jaraqattary saldarynan jerge qulaǵan jábirlenýshi A.-nyń dármensiz kúıde jatqanyna qaramastan, ol jábirlenýshiniń basynan birneshe ret teýip dene jaraqatyn salǵan.

«2 qazandaǵy sot úkimimen kúdikti QR Qylmystyq Kodekstiń 24-baby 3-bóligimen, 99-babynyń 2-bóliginiń 4-tarmaǵymen kináli dep tanylyp, oǵan 15 jyl merzimge bas bostandyǵynan aıyrý jazasy taǵaıyndaldy. Sot úkimi zańdy kúshine engen joq», - delingen habarlamada.

Aıta keteıik, oqıǵa 13 shilde kúni Munaıly aýdany Mańǵystaý aýylyndaǵy saýda ortalyǵynyń janynda kópshiliktiń kóz aldynda bolǵan edi.

Túngi saǵat 21.30 shamasynda mas kúıdegi azamat zańdy nekedegi zaıybynyń denesiniń arqa, san jáne keýde tusynan birneshe ret soqqylar jasap, densaýlyǵyna aýyr zııan keltirgen. Oqıǵanyń beınejazbasy da tarady.

Keıin zardap shekken áıeldiń júkti ekeni belgili boldy.