Mańǵystaýda jol apatynan aman qalǵan úsh adamnyń densaýlyq jaǵdaıy belgili boldy

AQTAÝ. KAZINFORM – Oblystyq densaýlyq saqtaý basqarmasynyń habarlaýynsha, jol apatynan jaraqat alǵan 3 jolaýshy Jańaózen qalalyq kópbeıindi aýrýhanasyna jetkizilgen.

-1964 jyly týǵan er adam jáne 1967 jylǵy áıel reanımatsııa bólimine jatqyzyldy, jaǵdaılary aýyr. Sonymen qatar, 1960 jyly týǵan áıel aýrýhananyń travmatologııa bóliminde, jaǵdaıy turaqty, biraq aýyr. Dárigerler naýqastardyń jaǵdaıyn baqylap, tekserip jatyr, - delingen habarlamada.

Aıta keteıik, búgin 11-qyrkúıek kúni Mańǵystaý oblysy Qaraqııa aýdany Senek eldi mekeninen 90 shaqyrym jerdegi avtojolda jol apaty bolyp, 10 adam qaza tapty.

Aldyn ala málimetter boıynsha, «Toyota Hiace» markaly avtokóliktiń júrgizýshisi rólge ıe bola almaı, saldarynan kólik jol shetine aýdarylyp ketken. Kóliktiń ishinde jolaýshylar bolǵan.