Mańǵystaýda jyl basynan beri 18 myńǵa jýyq náreste dúnıege keldi
Mańǵystaý oblysynda jyl basynan beri 17 389 náreste jaryq dúnıe esigin ashty. Sonyń ishinde oblystyq «Ana men bala» ortalyǵynda 7 543 bala dúnıege keldi, bul kórsetkish oblys boıynsha 42,8%-dy quraıdy, dep habarlaıdy Kazinform.
2023 jyldyń 10 aıynda Mańǵystaý oblysy boıynsha analardyń fızıologııalyq, asqynýsyz bosaný kórsetkishi 18%-dy quraıdy. Al, oblys boıynsha 2023 jyldyń 10 aıynda tirkelgen krıtıkalyq jaǵdaılarda bolǵan analar sany — 77. Jyl basynan beri Mańǵystaý oblysy boıynsha 177 egiz, 3 úshem dúnıe esigin ashty.
Ortalyqta merziminen buryn týǵan náresteler sany — 1 763. Onyń ishinde dene salmaǵy 1 kelige deıin — 55 náreste, 1.5 kelige deıin –65 náreste dúnıege keldi.
— Jalpy byltyrmen salystyrǵanda bala sany ósken. Ózge óńirlermen salystyrǵanda Mańǵystaý oblysy aldyńǵy qatarda kele jatyr. Biraq, densaýlyǵy tómen naýqas balalar da dúnıege keldi. Tiri týǵandardyń ishinen 229 (qatań eseptegi - 53) bala týa bitken nemese kóptegen aqaýy bar jáne 15 bala hromosomalyq aýrýmen dúnıege keldi, — dedi Mańǵystaý oblystyq «Ana men bala» perınataldyq ortalyǵynyń dırektory Japyraq Epenova.
