Mańǵystaýda sot oryndaýshy jalǵan aryz jazyp, boryshkerge shetelge shyǵýǵa jaǵdaı jasap bergen

AQTAÝ. KAZINFORM — Mańǵystaýda jeke sot oryndaýshynyń ókilettigin teris paıdalanǵany anyqtaldy. Bul týraly Mańǵystaý oblysy prokýratýrasy málim etti.

Prokýratýra «A» esimdi jeke sot oryndaýshynyń laýazymdyq ókilettikterin teris paıdalanǵanyn anyqtady. 

— Alıment óndirý jónindegi atqarýshylyq is júrgizý sheńberinde «S»esimdi boryshkerge qatysty shekaradan shyǵýǵa shekteý qoıylǵan. Alaıda jeke sot óndirýshi óndirip alýshynyń atynan jalǵan aryz jasaqtap, kórsetilgen shekteýdi zańsyz túrde alyp tastaǵan jáne bul áreketi úshin boryshkerden aqshalaı syıaqy alǵan. Nátıjesinde boryshker bir jyl boıy esh kedergisiz Birikken Arab Ámirlikteri men Ózbekstan Respýblıkasyna shyǵyp turǵan, — delingen habarlamada.

Atalǵan derek boıynsha oblys prokýratýrasymen QK 251-baby 1-bóligimen sotqa deıingi tergep-tekserý bastaldy. Óndirip alýshyǵa keltirilgen shyǵyndy tolyq óteýine baılanysty sotpen qylmystyq is aqtamaıtyn negizben óndiristen toqtatylǵan.

Osy tektes faktilerdiń jáne basqa da quqyq buzýshylyqtardyń aldyn alý maqsatynda prokýratýra organdary atqarýshylyq is júrgizý salasyndaǵy zańdylyqtyń jaı-kúıine turaqty túrde taldaý júrgizip, azamattardyń zańdy quqyqtary men múddelerin qamtamasyz etý boıynsha sharalar qabyldap jatyr. 

Eske sala keteıik, buǵan deıin 7 jyl boıy alıment tólemegen boryshkerdiń bas bostandyǵy shektelgenin jazǵan edik.