Mańǵystaýda jaz aılarynda aptap ystyq kútiledi
AQTAÝ. KAZINFORM — Oblys boıynsha 2025 jyldyń jazyna arnalǵan maýsymdyq aýa raıy boljamyn «Qazgıdromet» respýblıkalyq memlekettik kásipornynynyń mamandary jasady. Uzaq merzimdi aýa raıy boljamdary basqarmasynyń bastyǵy Juldyz Isabekovanyń aıtýynsha, aımaqta +43 gradýsqa deıin aptap ystyq bolady.
— Jaz aılarynda Manǵystaý oblysy boıynsha ortasha aılyq aýa temperatýrasy klımattyq normadan joǵary bolady dep kútiledi. Keı kúnderi +37+43°S deıin aptap ystyq bolýy yqtımal. Alaıda, jekelegen kúnderi jańbyr jaýyp, aýa temperatýrasynyń tómendeýi baıqalady. Jaz aılarynda jaýyn-shashynsyz uzaq kezeńder jıi bolýy yqtımal, biraq keı kúnderi nóserli jańbyr jaýady dep boljanýda, — deıdi uzaq merzimdi aýa raıy boljamdary basqarmasynyń bastyǵy Juldyz Isabekova.
Sondaı-aq, mamandar bir aıǵa arnalǵan aýa raıynyń konsýltatıvtik boljamy sınoptıkalyq jaǵdaıdyń ózgerýine qaraı túzetiletinin jáne onkúndik boljamdarmen naqtylanatynyn jetkizdi. Maýsym aıyna tolyq boljam mamyrdyń 15 de shyǵady.
Buǵan deıin, Mańǵystaýda qutqarýshylar men volonterlar iz-tússiz joǵalǵan 33 jastaǵy turǵyndy áli tappaı jatqany týraly jazǵan bolatynbyz.