Mańǵystaýda jasóspirimdi ıt talap tastady

AQTAÝ. KAZINFORM — Oqıǵa Aqshuqyr aýylynda boldy. Tapa-tal túste kóshede 15 jasar jasóspirimdi qańǵybas ıt talaǵan.

Оқушыны ит талап тастады
Фото: Видеодан скриншот

Abyroı bolǵanda jaqyn mańda júrgen turǵyndar kómekke kelip, balany áreń arashalap alǵan. Sodan soń, jedel járdem qyzmetin shaqyrǵan.

Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, zardap shekken jasóspirim balalar arýhanasynyń travmatologııa bólimine jatqyzylǵan. Jaǵdaıy turaqty. Em taǵaıyndalǵan.

Oblystyq bilim basqarmasynyń málimetinshe, zardap shekken oqýshy Aqshuqyr aýylyndaǵy mektep-gımnazııada 9-synypta oqıdy. 

Buǵan deıin, Mańǵystaýda qańǵybas ıtter asyl tuqymdy 40 eshkini qyryp ketken edi.

Sonymen qatar, elordada 19 jastaǵy jigit atylyp qalǵany da habarlandy.

Сейчас читают