Mańǵystaýda jańa munaı ken ornyn anyqtaýǵa baǵyttalǵan burǵylaý bastaldy
AQTAÝ. KAZINFORM — Mańǵystaý oblysynda jańa munaı-gaz qoryn anyqtaý úshin barlaý jumystary júrgizilip jatyr. Mańǵystaý aýdanyna qarasty Beki aýyly mańynda tereńdigi 2 700 metr bolatyn barlaý uńǵymasy burǵylanbaq.
Mańǵystaý aýdany ákimdiginiń málimetinshe, atalǵan aýmaqta barlaý maqsatynda burǵylaý jumystary bastalǵan. Mamandar uńǵymany 2 700 metr tereńdikke deıin jetkizip, munaı men gaz qorynyń bar-joǵyn anyqtaýdy kózdep otyr.
— Barlaý jumystaryn «BS KaspııServıs» kompanııasy júrgizedi. Tapsyrys berýshi — «Kerýen logıstık» JShS, — delingen habarlamada.
Kompanııa ókili Nysanbek Jalǵasovtyń aıtýynsha, munaı-gaz ken ornyn barlaýǵa ruqsat 2022 jyly alynǵan. Al uńǵymany burǵylaý jumystary 2026 jylǵy qyrkúıektiń basynda bastalǵan.
Qazir mamandar 1 myń metrden astam tereńdikke jetti. Burǵylaý jumystary jalǵasyp jatyr.
Barlaý nátıjesinde munaı qory anyqtalǵan jaǵdaıda, aýmaqta jańa óndiris ornyn ashý múmkindigi qarastyrylady.
Buǵan deıin, Mańǵystaýda Jetibaı aýylynda 9 myń tonna munaı qaldyǵy tógilgen aýmaq qaraýsyz qaldy.
