Mańǵystaýda jaǵajaıdy búldirip, jazý jazyp ketken turǵynǵa aıyppul salyndy

AQTAÝ. KAZINFORM – Vandalızm deregi Aqtaýdan 43 shaqyrym jerdegi tanymal jaǵajaıda tirkelgen. 

Turǵyndardyń biri jartasqa boıaýmen «Ushtaǵan» dep jazyp ketken.

Aıta keteıik, Mańǵystaý oblysynda Ushtaǵan degen eldi meken bar. Bul bassyzdyqty kórgen ózge demalýshylar beınejazbaǵa túsirip, áleýmettik jelige jarııalaǵan.

- Vandaldar tabıǵat aıasynda demalyp, sol mańaıdy lastap ketti. Qoqys toly dorbalar jatyr. Sonymen qatar, jartasqa úlken áriptermen «Ushtaǵan» dep jazyp ketken. Bul - qorshaǵan ortaǵa degen qurmettiń joqtyǵy, - deıdi beınejazbaǵa túsirgen demalýshy. 

Oblystyq polıtsııa departamenti tártip buzýshylardy izdep tapqanyn habarlady. Jazý jazǵan turǵynǵa aıyppul salynǵan. 

- Jartastaǵy jazýdyń avtory anyqtaldy. Ol - 2002 jylǵy jigit. Endi ol shamamen 80 myń teńge kóleminde aıyppul tóleıdi.

Al jartastaǵy jazý jýylyp, ketirildi, - delingen habarlamada. 

Buǵan deıin, Mańǵystaýda týǵan jerge degen súıispenshilikti aıqyndaıtyn erekshe chellenj bastalǵany týraly jazǵan bolatynbyz.