Mańǵystaýda úshem dúnıege keldi
Mańǵystaý oblystyq "Ana men bala" perınataldyq ortalyǵynda úshem jaryq dúnıe esigin ashty, dep habarlaıdy Kazinform.
Úshemniń anasy 35 jasta. Ol jubaıymen birge 4 bala tárbıbelep otyr. Sondaı-aq, Munaıly aýdanynda turatyn erli-zaıyptylar óńirdegi aýejaı kesheninde jumys isteıdi.
Dárigerlerdiń aıtýynsha, jańa týǵan nárestelerdiń úsheýi de qyz bala. Sábılerdiń salmaǵy 1890 gr,1950 gr jáne 2700 gramdy kórsetti. Nárestelerge ata-anasy Asylym, Aızada, Aıdana esimderin qoıǵan.
«Qazir jas bosanǵan ananyń jaǵdaıy jaqsy. Al náresteler ortalyqta emdep jetildirýdiń 2-shi satysy bólimshesinde em qabyldap jatyr. Ázirge jan-jaqty zerdelenip, tolyqtaı em alady jáne jaǵdaılary turaqtalǵansha dárigerlerdiń baqylaýynda bolady», - dedi oblystyq densaýlyq saqtaý basqarmasynyń mamandary.
