Mańǵystaýda Tótenshe jaǵdaılar departamentiniń jańa basshysy taǵaıyndaldy
AQTAÝ. KAZINFORM — Qazaqstan Tótenshe jaǵdaılar mınıstriniń 16 maýsymdaǵy buıryǵymen Mańǵystaý oblysy Tótenshe jaǵdaılar departamentiniń bastyǵy laýazymyna general-maıor Qýanar Bazarbaev taǵaıyndaldy.
Qýanar Bazarbaev buǵan deıin Shymkent qalasy Tótenshe jaǵdaılar departamentiniń bastyǵy qyzmetin atqarǵan.
Ol azamattyq qorǵaý jáne tótenshe jaǵdaılar salasynda mol tájirıbege ıe. Bilikti maman osy baǵyttaǵy memlekettik qyzmet júıesinde uzaq jyldar eńbek etken.
Al buǵan deıin Mańǵystaý oblysy Tótenshe jaǵdaılar departamentin basqarǵan Murat Muhanov Qazaqstan Tótenshe jaǵdaılar mınıstrligi apparatynyń basshysy qyzmetine taǵaıyndaldy.
Buǵan deıin Mańǵystaýda quny 870 mln teńgelik 50 gektar jer memleket menshigine qaıtarylǵanyn jazǵan edik.
