Mańǵystaýda tóbesi opyrylyp túsken mektep boıynsha qylmystyq is qozǵaldy

AQTAÝ. KAZINFORM — Atalǵan derek boıynsha Qylmystyq kodekstiń 278-baby 2-bóligi (Ǵımarattardy, qurylystardy nemese olardyń bólikterin paıdalanýǵa berý nemese paıdalanýǵa ruqsat berý kezinde qaýipsizdik talaptaryn buzý) boıynsha qylmystyq is qozǵalyp, sotqa deıingi tergep-tekserý amaldary bastaldy. 

Oblys ákiminiń birinshi orynbasary Erbol Іzbergenov oqıǵa ornyna baryp, jaǵdaımen tanysty. Qazir sarapshylar tıisti tekserýdi júrgizip jatyr.

— Qazirgi ýaqytta mektep aýmaǵyna bógde adamdardyń kirýine ýaqytsha tyıym salyndy. Aldaǵy jóndeý jumystary men naqty sheshimder týraly resmı túrde qosymsha habarlanatyn bolady, — dep habarlady oblys ákimdiginiń baspasóz qyzmeti.

Eske salaıyq, búgin tańǵy saǵat 6:30 shamasynda Qaraqııa aýdany, Quryq aýylynda ornalasqan jalpy bilim beretin mektep-gımnazııasynyń akt zalynyń tóbesi opyrylyp qulady. Abyroı bolǵanda, eshkim zardap shekken joq.

Buǵan deıin, oqıǵa týraly jazǵan bolatynbyz.