Mańǵystaýda teńiz jaǵasynan qustardyń óleksesi tabyldy
AQTAÝ. KAZINFORM – Mańǵystaý oblystyq orman sharýashylyǵy jáne janýarlar dúnıesi aýmaqtyq ınspektsııasynyń habarlaýynsha, Túpqaraǵan aýdanyna qarasty Fort-Shevchenko qalasy men Qyzylózen, Atash jáne Baýtın aýyldarynyń mańyndaǵy jaǵalaý aımaqtarynda monıtorıng jumystary júrgizilgen.
Nátıjesinde qustardyń ólekseleri anyqtalǵan.
- Atalǵan aýmaqty aýmaqtyq ınspektsııa, balyq ınspektsııasy jáne tabıǵat qorǵaý polıtsııasy qyzmetkerleri aralap shyqty. Tekserý barysynda jaǵalaýdyń ár jerinen 13 qustyń óleksesi tabylǵan. Olardyń arasynda úırekter, sýquzǵyndar men shaǵala bar. Alaıda, zerthanalyq taldaý úshin úlgiler alý múmkin bolmady. Sebebi, ólekseler buzylyp ketken, - delingen habarlamada.
Aýmaqtyq ınspektsııa aýdan ákimdigine qustardyń ólekseleriniń qaldyqtaryn shyǵaryp, joıý jumystaryn júrgizý týraly habarlama jibergen. Monıtorıng jumystary áli de júrip jatyr.
Buǵan deıin, Mańǵystaýda teńiz jaǵasynan ıtbalyqtyń 112 óleksesi tabylǵan bolatyn.
Odan keıin, Mańǵystaýda Kulaly aralynan 71 ıtbalyqtyń óleksesi tabyldy.